Памяці зніклых вёсак
| Мемарыял | |
| Памяці знiклых вёсак | |
|---|---|
 | |
| 54°31′52″ пн. ш. 26°56′34″ у. д.HGЯO | |
| Краіна |
 Беларусь |
| Месцазнаходжанне | Мінская вобласць |
| Архітэктар | Анатоль Капцюг |
| Заснавальнік |
Яўген Ігнатовіч Анатоль Рогач |
 |
|
Па́мяці знíклых вё́сак — мемарыял, першы і адзіны такога кшталту ў Беларусі, прысвечаны населеным пунктам Вілейскага раёна, якіх не стала з 1939 па 2009 гады. Месціцца за паўночным краем горада Вілейкі, ля вёскі Снежкава пры дарозе на Куранец.
Гісторыя
[правіць | правіць зыходнік]Усяго на Вілейшчыне за 70 гадоў па розных прычынах (спаленыя падчас Другой сусветнай вайны, затоплены пры стварэнні Вілейскага вадасховішча, далучаны да іншых) зніклі 253 населеныя пункты. Сёння іх засталося трохі больш за 400[1].
Ідэя мемарыяла належыць Яўгену Ігнатовічу і Анатолю Рогачу.
Архітэктар — Анатоль Капцюг[2].
Аднадумцы арганізавалі сапраўдную талаку і літаральна за некалькі тыдняў узвялі мемарыял[3]. Афіцыйнае адкрыццё адбылося 30 чэрвеня 2009 года.[4]
Апісанне
[правіць | правіць зыходнік]Планіроўка і размяшчэнне аб'ектаў выканана суадносна геаграфічнай карце раёна. Пачатак мемарыяла — «Хатынскі камень» у выглядзе перакуленага звона з назвамі 5 вёсак, якіх напаткаў лёс Хатыні, спаленых разам з жыхарамі ў 1941—1944 гадах. Драўляная скульптура, ахопленай полымем жаночай постаці, дапаўняе кампазіцыю. Калодзежны зруб з жураўлём, слуп з колам для буслянкі, абрысы вясковай хаты з прывіднымі рысамі. Сімвалічная сцяжынка вядзе па сімвалічнай вясковай вуліцы.
Трынаццаць валуноў, якія размяшчаюцца па дзвюх спіралях (падобна малекуле ДНК), сімвалізуюць трынаццаць сельскіх саветаў Вілейскага раёна. На кожным камяні — мемарыяльная шыльда з назвамі зніклых вёсак.
Яшчэ адзін камень змяшчае пералік вёсак, якія ўліліся ў гарадскую рысу Вілейкі. Цэнтральнае месца займае 15-тонны валун са зваротнымі словамі да наведвальнікаў.[5]
Зноскі
- ↑ Память бывших деревень
- ↑ Унікальнасць і памяць Архівавана 6 ліпеня 2017. // «Вялейка-інфо»
- ↑ “Дачка” Віліі-ракі. Энтузіясты з Вілейкі паўтарылі падарожжа графа Тышкевіча і ўзвялі помнік зніклым вёскам // «СБ. Беларусь сегодня»
- ↑ Памяці зніклых вёсак(недаступная спасылка) // «Рэгіянальная газета»
- ↑ І маёнткі, і млыны(недаступная спасылка) // «Культура»
Літаратура
[правіць | правіць зыходнік]Родевич Н., Ракович В., Колосова О. "Вилейский край" - Минск, УП "Донарит", 2014 (руск.)
Спасылкі
[правіць | правіць зыходнік]
На Вікісховішчы пакуль няма медыяфайлаў па тэме, але Вы можаце загрузіць іх- Афіцыйны сайт Вілейскага райвыканкама Архівавана 17 кастрычніка 2018. (руск.)
